Сұрақ-жауап

  • Сұрақ №: 47227
    Дата: 06.11.2018 17:01:16
    Аты-жөні: Таусаров Гибрат
    Сұрақ:
    Сәлеметсіз бе, Құрметті Қайрат Төлегенұлы! Мен, Таусаров Ғибрат Тұрарұлы, Жамбыл облысы Жуалы ауданының тумасымын. Қазіргі таңда жұмыссызбын. Отбасым, 3 балам бар. Мен ауылдық әкімшілікке жұмысқа тұруға тесттен өтіп, барлық құжаттарым дайын болған еді. ҚР БП ҚСжАЕжК -не сұраныс жіберсе, ҚР ҚК-нің 293-бабының 1 бөлігі бойынша 09.02.2016жылы №1631120031000355 санды сотқа дейінгі тергеп-тексеру басталып, 19.02.2016 жылы ҚР ҚПК 354 бабы 1-ші бөлігі 12 тармағына сай өндірістен қысқартылған. Аталған іс бойынша Л-2 карточкасына күдікті ретінде 01.03.1990 ж.т. Таусаров Гибрат Тураровичтың аты-жөні енгізіліпті. Алайда, іс бойынша нақты күдікті болып саналатын 20.06.1977 ж.т. Курбанов Рахымжан Каримович болып табылады. Мен Тараз қалалық прокуратурасына аталған кемшіліктерді түзету үшін 04.10.2018жылы арыз жаздым. Құқық қорғау органдарының осы қателігі үшін 3-ші рет конкурсқа қатыса алмай отырмын. Осы мәселеге байланысты Сіздің тарапыңыздан бір нақты шешім немесе жауап күтемін. Рахмет!
    Жауап күні:
    8 қараша, 2018 - 18:15
    Жауап:
    Комитеттің Жамбыл облысы бойынша басқарма бастығы Т.Т. Нұрұнбетовқа Ғ.Т. Таусаровқа Комитеттің Жамбыл облысы бойынша басқармасына тиістілігі бойынша Ғ.Т. Таусаровтың арызы жолданады (06.11.2018ж. №01-201-18-00508). Қарау нәтижесі бойынша өтініш берушіге және Комитетке хабарлансын. Екінші мекенжайға, Қазақстан Республикасы Бас Прокуратурасының Құқықтық статистика және арнайы есепке алу жөніндегі комитетіне (әрі қарай - Комитет) өтініш берген кезде оған Комитеттің аумақтық басқармасы бастығының немесе оған теңестірілген лауазымды тұлғаның қолы қойылған жауапты қоса тіркеу қажет екендігін түсіндіреміз. Қосымша: 1 парақта. Төрағаның орынбасары Р. Әлкенев
  • Сұрақ №: 47199
    Дата: 03.11.2018 00:03:47
    Аты-жөні: Койлыбаев Лесхан
    Сұрақ:
    Құрметті төраға! Маған 2016 жылы Оңтүстік Қазақстан облысы Мақтарал аудандық білім бөлімінің басшысы кезімде ОҚО Сәулет құрылыс басқармасы арқылы 63630 теңге көлемінде айыппұл салынған болатын. Айыппұлды дер кезінде 2016 жылғы 5 қарашада төлеп, түбіртегін тиісті басқармаға тапсырғанмын. Қазіргі таңда қай жерге барсам болды сол айыппұл шығып кедергі жасай береді. Түбіртегімді көрсетіп жұмысымды жалғастыра беремін. Алайда, неге осы айыппұлмен кедергілер кездесе береді? Оған кімдер кінәлі екендігін анықтап беруіңізді сұраймын.
    Жауап күні:
    7 қараша, 2018 - 11:54
    Жауап:
    Л.М. Койлыбавқа Қазақстан Республикасы Бас прокуратурасының Құқықтық статистика және арнайы есепке алу жөніндегі комитеті (әрі қарай – Комитет) Сіздің әкімшілік құқық бұзушылық жөнінде мәліметті есептен алу туралы өтінішіңізді қарады. Комитеттің орталықтандырылған деректер базасына 10.10.2016ж. №165100623000402 әкімшілік іс бойынша 63 630 тенге мөлшерде салынған айыппұлды 2016 жылдың 7 қарашасында төлегеніңіз жөнінде ақпарат енгізілді. Осыған байланысты, Қазақстан Республикасының Әкімшілік құқық бұзушылық туралы кодекстің 61-бабына сәйкес, жоғарыда аталған әкімшілік іс бойынша мәлімет Комитеттің есебінен алынғандығын хабарлаймыз. Жоғарыда көрсетілген негіздермен келіспеген жағдайда, Сіз жоғары тұрған органға немесе сотқа жүгінуге құқылы екеніңізді хабарлаймыз (2007 жылдың 12 қаңтарындағы Қазақстан Республикасының «Жеке және заңды тұлғалардың өтiнiштерiн қарау тәртiбi туралы» Заңының 12 бабына сәйкес). Төрағаның орынбасары Р. Әлкенев орын. Қ.Б.Құлманова тел. 31-62-68
  • Сұрақ №: 47094
    Дата: 27.10.2018 11:57:50
    Аты-жөні: Мусаев Кайрат
    Сұрақ:
    Мен Мұсаев Қайрат 33 жыл білім саласында жұмыс істедім. Мамандығым мұғалім. Тағдырдың тәлкегімен, арандатушылықтың кесірінен істі болдым. 09.09.2016 жылы ҚР ҚК 366-бабы, 1-тармағы бойынша Қызылорда облысы , Шиелі аудандық сотының үкімімен 5 миллон айыппұл және дүние мүлік тәркілену, өмірлік мемлекеттік қызмет атқару құқымнан айыру жазасына кесілдім. Мемлекеттік наградам алынған жоқ. Айыппұлды төлей алмағандықтан 25.11.2016 жылғы Шиелі аудандық сотының қаулысымен айыппұлды 1жыл 7 ай 14 күнге жалпы режимдегі коллонияға ауыстырды. 25.11.2016 жылдан бастап қамауда болдым. №2 Қызылорда қалалық сотының 07.02.2017 жылғы қаулысымен ҚР «Тәуелсіздіктің 25 жылдығы рақымшылық туралы» Заңына байланысты жазаның өтелмеген бөлігін , 1 жыл, 6 ай, 25 күнді шектеуге ауыстырды. Қаулы 23.02.2017 жылы күшіне енді. Қазір жаза мерзімім толық бітті. Мемлекеттік қызмет атқаруға құқым жоқ екенін білемін. Арманым педагогикалық қызметімді жалғастырып, абыроймен зейнеткерлік демалысқа шықсам деймін. Жазамды өтедім, мектепте мұғалім болуға құқым бар ма? Сот үкімінде мемлекеттік мекемеде жұмыс істемесін деген жоқ қой. Сізден жағымды жауап күтемін. Ізгі ниетпен: Мусаев Кайрат Кыдыралиевич. Қ.Р Білім беру ісінің Құрметті қызметкері.
    Жауап күні:
    31 қазан, 2018 - 16:48
    Жауап:
    Қ.Қ. Мұсаевқа Құрметті Қайрат Қыдырәліұлы! Қазақстан Республикасы Бас прокуратурасының Құқықтық статистика және арнайы есепке алу жөніндегі комитетімен (бұдан әрі – Комитет) Сіздің сотталған тұлғаның жұмысқа орналасу туралы өтінішіңіз қаралды. Қылмыстық Кодекстің 79-бабы 1-бөлігіне (Соттылық) сәйкес, қылмыс жасағаны үшiн сотталған адам соттың айыптау үкiмi заңды күшiне енген күннен бастап сотталғандығы өтелген немесе алып тасталған кезге дейiн сотталған болып есептеледi. Осы баптың 3-бөлігінің 3-тармақшасында онша ауыр емес немесе ауырлығы орташа қылмыстар үшiн бас бостандығынан айыруға сотталған адамдарға қатысты – жазаны өтегеннен кейiн үш жыл өткен соң жойылады, деп көрсетілген. Жоғарыда көрсетілгендей, Сіздің соттылығыңыздың жою мерзімі өткен жоқ. Қазақстан Республикасының 22 желтоқсан 2003 жылғы №510 «Мемлекеттік құқықтық статистика және арнайы есепке алу туралы» Қазақстан Республикасы Заңының 6 бабына сәйкес, жұмысқа орналастыру сұрағы Комитетің құзыретіне жатпайтынын хабарлаймыз. Осыған байланысты түсіндірме алу үшін, Сіз уәкілетті органдарға Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігіне, болмаса сәйкес органның және мекеменің кадр жұмысы бөлімшесіне жүгінуіңіз қажет. Сонымен қатар, Қазақстан Республикасының Еңбек кодексі 26-бабына сәйкес, еңбек шартын жасасуға және жұмысқа орналасуға салынатын тыйымдар және шектеулер қойылған. Одан әрі мемлекеттік органдар немесе басқа да ұйымдар жоғардағы заң талаптарын қарсы қолданған жағдайда, Сіз олардың іс-әрекеттеріне сотқа шағымдана аласыз. Осы жауаппен келіспеген жағдайда, «Жеке және заңды тұлғалардың өтiнiштерiн қарау тәртiбi туралы» Қазақстан Республикасы Заңының 12-бабына сәйкес, Сіз оны жоғары тұрған лауазымды тұлғаға немесе сотқа шағымдануға құқығыңыз бар. Төрағаның орынбасары Р. Әлкенев
  • Сұрақ №: 46859
    Дата: 15.10.2018 22:24:59
    Аты-жөні: Жұмахмет Сұлтанғазы
    Сұрақ:
    ҚР ӘҚБтК 590-бабының 9-тармағымен Әкімшілік құқық бұзушылық туралы іс бойынша 07.09.2018 20:51 № 187100033858763 электрондық хаттама толтырылып, 6012.5 теңге айыппұл салынды. Айыппұл Қазақстан Халық банкінен 11.09.2018 жылы төленді. Алайда qamqor.gov.kz сайтында статусы қызылмен белгіленіп, төленбеген болып тұр. Төленген айыппұлдың квитанциясы қай уақытта сайтқа салынады?
    Жауап күні:
    18 қазан, 2018 - 18:57
    Жауап:
    С.С. Жұмахметке Қазақстан Республикасы Бас прокуратурасының Құқықтық статистика және арнайы есепке алу жөніндегі комитеті (әрі қарай – Комитет) Сіздің әкімшілік құқық бұзушылық жөнінде мәліметті есептен алу туралы өтінішіңізді қарады. Комитеттің орталықтандырылған деректер базасына 07.09.2018ж. №187100033858763 әкімшілік іс бойынша 6 012 тенге мөлшерде салынған айыппұл 2018 жылдың 10 желтоқсанында төлегеніңіз жөнінде ақпарат енгізілді. Осыған байланысты, Қазақстан Республикасының Әкімшілік құқық бұзушылық туралы кодекстің 61-бабына сәйкес, жоғарыда аталған әкімшілік іс бойынша мәлімет Комитеттің есебінен 2019 жылдың 11 желтоқсанында алынатындығын хабарлаймыз. Жоғарыда көрсетілген негіздермен келіспеген жағдайда, Сіз жоғары тұрған органға немесе сотқа жүгінуге құқылы екеніңізді хабарлаймыз (2007 жылдың 12 қаңтарындағы Қазақстан Республикасының «Жеке және заңды тұлғалардың өтiнiштерiн қарау тәртiбi туралы» Заңының 12 бабына сәйкес). Төрағаның орынбасары А.Саттар орын. Қ.Б.Құлманова тел. 31-62-68
  • Сұрақ №: 46826
    Дата: 14.10.2018 00:59:42
    Аты-жөні: Тағаева Ақмарал
    Сұрақ:
    Сəлеметсіздерме! Мен Астана қаласында пəтер жалдап тұрамын. Жұбайым,балаларым бар. Жұбайым ішпейді-шекпейді. Жұмыс істейді. Осы пəтер жалдаған үйде 10 жыл шамасында тұрғылықты пропискамыз бар. Менің сұрағым бар еді: Осы жергілікті учаскелік полиция келіп ( себебсіз) рейт деп айтты. Жеке күəлікімізді сурады. Өздерінің аты жөндерінде айтпады. Менің осында пропискамыз бар деп айтканыма жəне көршілерімнің айтқанынада қарамай жеке күалікімізді сотывый телефондарына фотоға түсіріп алды. Жұмыс орныдарына барғансоң пропискамызды тексеремін деп. Бұл жағдайға мен наразы болдым неге түсіріп аласыз деп ашыуланып қалдым. Сол кезде олар дорекілік танытып ұрысып кетті. Мен қызметіңізді асыра пайдаланбаңыз мен сіз дөрекі сөйлейтіндей заңсыз адам емеспін деген сөзіме. Біреуі мысқылдап міне былай,былай асыра пайдаланып жатырмын ал деп өзін сайкымазак сиякты ұстап мені кекетті. Мен өте қатты ашыуланып,өзімді қор санап қалдым. Жəне осыдан тірекуде болмай шыксаң ертең штрафпен келем күт деп қорқытты. Олардың осы іс-əрекеттері қаншалықты заңды?жəне осы əрекеттері екінші рет қайталанса қайда?қалай арызданып өз құқығымды қорғасам болады? Жауаптарыңызға алдыннан рахмет.
    Жауап күні:
    18 қазан, 2018 - 18:49
    Жауап:
    А.О. Тағаеваға Қазақстан Республикасы Бас прокуратурасының Құқықтық статистика және арнайы есепке алу жөніндегі комитеті (бұдан әрі - Комитет) Сіздің өтінішіңізді қарады. Ішкі істер органдары қызметкерлерінің іс-әрекеттерінің заңдылығын анықтау Комитеттің құзіретіне кірмейтінін хабарлаймыз. Сондықтан, аталған сұраққа жауап алу үшін, Сіз Астана қаласының Ішкі істер департаментіне жүгінуіңіз қажет. Жоғарыда көрсетілген негіздермен келіспеген жағдайда, Сіз жоғары тұрған органға немесе сотқа жүгінуге құқылы екеніңізді хабарлаймыз (2007 жылдың 12 қаңтарындағы Қазақстан Республикасының «Жеке және заңды тұлғалардың өтiнiштерiн қарау тәртiбi туралы» Заңының 12 бабына сәйкес). Төрағаның орынбасары А.Саттар орын. Қ.Б.Құлманова тел. 31-62-68

Беттер