Сұрақ-жауап

  • Сұрақ №: 51716
    Дата: 12.05.2020 16:50:56
    Аты-жөні: Жасыбаев Совет
    Сұрақ:
    Саламатсызба! Мен мемлекеттік қызметте жұмыс істеп, сосын өз еркіммен жұмыстан кеттім. 6 ай өткен соң мені финполиция шақыртып мектеп құрылысы бойынша жіберген кемшіліктерді анықтап іс қозғап сотқа жіберді. Сот шешімі бойынша маған "связи с амнистии освобожден от назначенного наказания деп "шешім берді. Мен кейін мемлекеттік қызметке қайта кірейін десем маған соттылығы жоқ деген ХҚКО-анықтама берген. Бірақ маған юристер мемлекеттік қызметке кіре алмайсыз сізде судимость бар деп аитты. Судимость болса базадан қалай алуға болады және мемлекеттік қызметке кіруге болама.Рахмет.
    Жауап күні:
    15 мамыр, 2020 - 09:15
    Жауап:
    14.05.2020 № 2-20-20-03757 С.Т. Жасыбаевқа Құрметті Совет Турганович! Қазақстан Республикасы Бас прокуратурасының Құқықтық статистика және арнайы есепке алу жөніндегі комитеті (бұдан әрі – Комитет) Сіздің есептен соттылық туралы мәліметті алып тастауға қатысты өтінішіңізді қарады. Қазақстан Республикасы Бас Прокурорының 2018 жылғы 27 ақпандағы №29 бұйрығымен бекітілген «Қылмыстық құқық бұзушылықтар жасаған, қылмыстық жауаптылыққа тартылатын адамдардың, қылмыстық құқық бұзушылық жасағаны үшін қылмыстық жауаптылыққа тартылған адамдардың арнайы есебін, ұстап алынған, күзетпен ұсталатын және сотталған адамдардың дактилоскопиялық арнайы есебін жүргізу және пайдалану қағиданың» 69 тармағына сәйкес, адамдар ақталған, сондай-ақ қылмыстық істер Қазақстан Республикасының Қылмыстық-процессуалдық Кодекстің 37 бабы бірінші бөлігінің 1), 2), 5), 7), 8) және 13) тармақтарында (1997 жылғы редакцияда), Қазақстан Республикасының Қылмыстық-процессуалдық Кодекстің 35-бабы бірінші бөлігінің 1), 2), 5), 6), 7) және 8) тармақтарында (2014 жылғы редакцияда) көзделген негіздер бойынша немесе маңызы аз болуына байланысты тоқтатылған жағдайда мәліметтер Комитеттің есебінен алынады. Жоғарыда айтылғанның негізінде, Комитеттің деректер қорынан мәліметтерді алып тастау үшін тиісті қылмыстық ізге түсу органдарынының, прокуратураның болмаса соттың тиісті қабылданған шешімі болуы қажет. Мемлекеттік қызметке қайтадан кіру сұрақтары құқықтық статистика және арнайы есепке алу органдарының құзыретіне кірмейді. Мемлекеттік органдарға жұмысқа тұруға қатысты түсіндірме алу үшін, Сізге Қазақстан Республикасы Мемлекеттік қызмет істері агенттігіне болмаса органдар мен ұйымдардың тиісті кадр бөлімшелеріне жүгінуіңіз қажет. Біздің берген жауаппен келіспеген жағдайда, Сіздің «Жеке және заңды тұлғалардың өтініштерін қарау тәртібі туралы» Қазақстан Республикасының Заңының 12-бабына сәйкес, жоғары сатыдағы лауазымды тұлғаға болмаса сотқа Төрағаның орынбасары Р. Әлкенев Орынд. Д. Ажибаева Тел. 31-49-40
  • Сұрақ №: 51597
    Дата: 22.04.2020 11:09:45
    Аты-жөні: БАЙГАРАШОВА ШЫНАР
    Сұрақ:
    Сәлеметсіздер ме. Маған кеше 21.04,2020ж Казпочта арқылы Түркістан облысы полиция департаментінің әкімшілік басармасының №665927 ҰЙҒАРЫМЫ келді.Онда автоматты түрде істейтін камера арқылы 12.03.2020ж көлік құралымен тіркелген әкімшілік құқық бұзылған деп көрсетілген, айыппұл сомасы 26510 тенге.Егер мен айыппұлды 7 күн ішінде төлесем 50% жеңілдікпен төлейтінім жазылған.Енді мен сол айыппұлды төлейін
    Жауап күні:
    22 мая, 2020 - 17:09
    Жауап:
    21.05.2020 № 2-21-20-01790 Ш.А. Байгарашоваға Блог №51200 Құрметті Шынар Аймахановна! Қазақстан Республикасы Бас прокуратурасы құқықтық статистика және арнайы есепке алу жөніндегі Комитетінің (бұдан әрі - Комитет) Түркістан облысы бойынша басқармасымен Сіздің 2020 жылдың 24 сәуірдегі өтінішіңіз қаралды. Сізге қатысты 12.03.2020ж. Түркістан қаласында автоматты режимде жұмыс істейтін арнайы техникалық құралдар, фото-бейнетіркеу жүйесімен Қазақстан Республикасы «Әкімшілік құқық бұзушылық туралы» Кодексінің (бұдан әрі - Кодекс) 592-бабының 2-бөлігімен әкімшілік айыппұл салынып, 29.04.2020ж. қысқартылған іс жүргізу тәртібімен 13 255 теңге өндірілгендігін хабарлаймын. Кодекстің 61-бабына сәйкес, әкiмшiлiк құқық бұзушылығы үшiн әкiмшiлiк жаза қолданылған тұлға әкiмшiлiк жазаны орындау аяқталған күннен бастап бiр жыл ішінде осы жазаға тартылды деп есептеледi, осыған орай Сізге қатысты әкімшілік жаза аяқталған болып табылады. Сіз жауаппен келіспеген жағдайда, жоғары тұрған лауазымды тұлғаға немесе сотқа шағымдануға құқылысыз (Қазақстан Республикасы «Жеке және заңды тұлғалардың өтініштерін қарау тәртібі туралы» Заңының 12-бабына сәйкес). Басқарма бастығы Ө. Сейітов орынд: З.Төленова. тел: 8(72533)6-37-88
  • Сұрақ №: 51511
    Дата: 09.04.2020 13:43:46
    Аты-жөні: Қожамберді Думан
    Сұрақ:
    Құрметті Қайрат Төлегенұлы кешіріңіз менің мәселем толық шешілмеуіне байланысты қайта қайырылуға мәжбүр болып тұрмын, мен Қожамберді Думан Мақсүтұлы жсн 870205300590, маған 2019 жылдың 8 наурызында әкімшілік айыппұл салынған болатын. Мен салынған әкімшілік айыппұлды белгіленген мерзімінен кешіктірмей 2019 жылдың 13 наурызында қазпочта бөлімшесі арқылы төледім, қолымда куәландыратын түбіртек бар. Түбіртектің көшірмесін Бас прокуратураның блогына егов порталы арқылы жолдаған болатынмын. Түбіртекте төлеген күн 13.03.2019 деп анық көрсетілген. Осыған сәйкес менің төлеген күнімнен бері 1 жылдан аса уақыт өткен. Алайда маған Жамбыл облыстық басқарма берген жауабында менің айыппұлды төлегенім туралы мәлімет деректер базасына енді енгізіліп әлі 1 жыл бойы сақталады деп көрсетілген. Неге олай? Мен бұл жауаппен келіспеймін себебі мен айыппұлды биыл емес 13.03.2019 жылы яғни 1 жыл бұрын төлегенмін түбіртекте төлем жүргізілген мерзім сағатына дейін анық көрсетілген. Сол себепті деректер қорындағы маған айыппұл салынғандығы туралы мәліметтің алынып тасталуын сұраймын. Алдын ала рахмет!
    Жауап күні:
    14 апреля, 2020 - 14:41
    Жауап:
    13.04.2020 № 2-20-20-03029 Д.М. Қожамбердіге duman.kozhamberdy.87@mail.ru Қазақстан Республикасы Бас прокуратурасының Құқықтық статистика және арнайы есепке алу жөніндегі комитеті (бұдан әрі-комитет) Сіздің өтінішіңізді қарастырды. Комитеттің орталықтандырылған деректер банкінде 2020 жылғы 13 сәуірдегі деректерге сәйкес, Сізді әкімшілік жауапкершілікке тарту туралы мәліметтер жоқ екенін хабарлаймыз. Төрағаның орынбасары Б. Тазабеков Орынд. А.Ж. Куанбаев Тел:317971
  • Сұрақ №: 51478
    Дата: 04.04.2020 15:29:05
    Аты-жөні: Еркіналы Айдос
    Сұрақ:
    Сəлеметсізбе менің сұрағым. 2015 жылы төбелесіп 292 ст хулиганство мен екі жақты келісіп істі жапқанбыз . 2018 де əскери борышымды өтедім сосын келісім шарт бойынша қалайын десем арнайы тексерістен привлечен болып шығып тұр мұны қалай жоюға болады ?
    Жауап күні:
    9 апреля, 2020 - 15:58
    Жауап:
    08.04.2020 № 2-20-20-02900 А.Т. Еркіналыға Құрметті Айдос Теміралыұлы! Қазақстан Республикасы Бас прокуратурасының Құқықтық статистика және арнайы есепке алу жөніндегі комитеті (бұдан әрі – Комитет) Сіздің мәліметті есептен алу туралы өтінішіңізді қарады. Қазақстан Республикасы Қылмыстық кодексінің 79-бабына сәйкес, Сіз соттылығы жоқ тұлға болып таныласыз. Қазақстан Республикасы Бас Прокурорының 2018 жылғы 27 ақпандағы №29 бұйрығымен бекітілген «Қылмыстық құқық бұзушылықтар жасаған, қылмыстық жауаптылыққа тартылатын адамдардың, қылмыстық құқық бұзушылық жасағаны үшін қылмыстық жауаптылыққа тартылған адамдардың арнайы есебін, ұстап алынған, күзетпен ұсталатын және сотталған адамдардың дактилоскопиялық арнайы есебін жүргізу және пайдалану қағиданың» 69 тармағына сәйкес (бұдан әрі - Қағида), адамдар ақталған, сондай-ақ қылмыстық істер Қазақстан Республикасының Қылмыстық-процессуалдық кодекстің 37-бабы бірінші бөлігінің 1), 2), 5), 7), 8) және 13) тармақтарында (1997 жылғы редакцияда), Қазақстан Республикасының Қылмыстық-процессуалдық кодекстің 35-бабы бірінші бөлігінің 1), 2), 5), 6), 7) және 8) тармақтарында (2014 жылғы редакцияда) көзделген негіздер бойынша немесе маңызы аз болуына байланысты тоқтатылған жағдайда мәліметтер Комитеттің есебінен алынады. Сонымен қатар, Қағиданың 79-тармағына сәйкес, тұлғаларға қатысты тексеру шараларын жүргізуге уәкілетті мемлекеттік органдардың, мекемелердің сұраулары бойынша соттылықтың жойылғанына және алынып тасталғанына қарамастан, тұлғаның жасаған қылмыстық құқық бұзушылығы туралы барлық мәлімет беріледі. Осы жауаппен келіспеген жағдайда, «Жеке және заңды тұлғалардың өтiнiштерiн қарау тәртiбi туралы» Қазақстан Республикасы Заңының 12-бабына сәйкес, Сіз оны жоғары тұрған лауазымды тұлғаға немесе сотқа шағымдануға құқылысыз. Төрағаның орынбасары Р. Әлкенев орынд. Ә.Б. Құлманов тел.:7172(31-75-81)
  • Сұрақ №: 51454
    Дата: 29.03.2020 10:47:04
    Аты-жөні: Қожамберді Думан
    Сұрақ:
    Құрметті Қайрат Төлегенұлы, мен Қожамберді Думан Мақсүтұлы жсн 870205300590, маған 2019 жылдың 8 наурызында әкімшілік айыппұл салынған болатын. Мен салынған әкімшілік айыппұлды белгіленген мерзімінен кешіктірмей 2019 жылдың 13 наурызында қазпочта бөлімшесінен төледім, қолымда куәландыратын түбіртек бар. Аталған айыппұлдың төленген күнінен бері бір жылдан аса уақыт өтті. Осыған қарамастан егов порталындағы жеке кабинетімде және қамқор гов сайтында айыппұл төленбеген деген мәлімет тұр. Бұл мәселе бойынша енді не істеймін, бұл кімнің кемшілігі? Мен өз тарапымнан барлығын мерзімінде орындадым. Біреулердің айтуынша түбіртекті апару керек дейді, апару керек болса қайда апаруым керек? Бұл қаншалықты заңды не себепті мен өзімнің төлегенімді қосымша дәлелдеуім керек, қазір цифрланған заман емес пе? Сонда мен әлі күнге қарыз сияқты болып тұрмын. Осы мәселені шешіп беруіңізді өтініп сұраймын! Алдын ала рахмет!
    Жауап күні:
    14 апреля, 2020 - 14:38
    Жауап:
    Д.М. Қожамбердіге Құрметті Думан Мақсүтұлы ! Сіздің, 07.04.2020 жылғы Қазақстан Республикасы Бас прокуратурасының Құқықтық статистика және арнайы есепке алу жөнiндегi комитетiнен келіп түскен шығыс № 2-20-20-02855 өтінішіңіз қаралды. Сізге қатысты 08.03.2019 жылы Жамбыл облысы Полиция департаменті Меркі ауданының Полиция бөлімімен салынған 6312.5 теңге көлеміндегі әкімшілік айыппұлдың төленгені туралы мәлімет орталықтандырылған деректер қорына енгізілді. Сонымен қатар, Қазақстан Республикасы Бас прокурорының 2014 жылғы 10 қазандағы № 114 бұйрығымен бекітілген «Әкімшілік құқық бұзушылықтар және оларды жасаған адамдар туралы орталықтандырылған деректер есебін жүргізу жөніндегі нұсқаулықтың 66 тармағына сәйкес, әкімшілік жауаптылыққа тартылған адамдар туралы мәліметтер Қазақстан Республикасының әкімшілік құқық бұзушылық Кодексінің 61 бабына сәйкес әкімшілік жаза тағу туралы қаулының орындалуы аяқталғаннан кейін 1 жыл бойы сақталатынын хабарлаймыз. Осы қабылданған шешіммен келіспеген жағдайда, жоғары тұрған органға немесе сотқа шағымдануыңызға құқығыңыз бар. Басқарма бастығы С.С. Жорабеков Орын: Е. Дауитов Тел:542442

Беттер