Сұрақ-жауап

  • Сұрақ №: 51478
    Дата: 04.04.2020 15:29:05
    Аты-жөні: Еркіналы Айдос
    Сұрақ:
    Сəлеметсізбе менің сұрағым. 2015 жылы төбелесіп 292 ст хулиганство мен екі жақты келісіп істі жапқанбыз . 2018 де əскери борышымды өтедім сосын келісім шарт бойынша қалайын десем арнайы тексерістен привлечен болып шығып тұр мұны қалай жоюға болады ?
    Жауап күні:
    9 апреля, 2020 - 15:58
    Жауап:
    08.04.2020 № 2-20-20-02900 А.Т. Еркіналыға Құрметті Айдос Теміралыұлы! Қазақстан Республикасы Бас прокуратурасының Құқықтық статистика және арнайы есепке алу жөніндегі комитеті (бұдан әрі – Комитет) Сіздің мәліметті есептен алу туралы өтінішіңізді қарады. Қазақстан Республикасы Қылмыстық кодексінің 79-бабына сәйкес, Сіз соттылығы жоқ тұлға болып таныласыз. Қазақстан Республикасы Бас Прокурорының 2018 жылғы 27 ақпандағы №29 бұйрығымен бекітілген «Қылмыстық құқық бұзушылықтар жасаған, қылмыстық жауаптылыққа тартылатын адамдардың, қылмыстық құқық бұзушылық жасағаны үшін қылмыстық жауаптылыққа тартылған адамдардың арнайы есебін, ұстап алынған, күзетпен ұсталатын және сотталған адамдардың дактилоскопиялық арнайы есебін жүргізу және пайдалану қағиданың» 69 тармағына сәйкес (бұдан әрі - Қағида), адамдар ақталған, сондай-ақ қылмыстық істер Қазақстан Республикасының Қылмыстық-процессуалдық кодекстің 37-бабы бірінші бөлігінің 1), 2), 5), 7), 8) және 13) тармақтарында (1997 жылғы редакцияда), Қазақстан Республикасының Қылмыстық-процессуалдық кодекстің 35-бабы бірінші бөлігінің 1), 2), 5), 6), 7) және 8) тармақтарында (2014 жылғы редакцияда) көзделген негіздер бойынша немесе маңызы аз болуына байланысты тоқтатылған жағдайда мәліметтер Комитеттің есебінен алынады. Сонымен қатар, Қағиданың 79-тармағына сәйкес, тұлғаларға қатысты тексеру шараларын жүргізуге уәкілетті мемлекеттік органдардың, мекемелердің сұраулары бойынша соттылықтың жойылғанына және алынып тасталғанына қарамастан, тұлғаның жасаған қылмыстық құқық бұзушылығы туралы барлық мәлімет беріледі. Осы жауаппен келіспеген жағдайда, «Жеке және заңды тұлғалардың өтiнiштерiн қарау тәртiбi туралы» Қазақстан Республикасы Заңының 12-бабына сәйкес, Сіз оны жоғары тұрған лауазымды тұлғаға немесе сотқа шағымдануға құқылысыз. Төрағаның орынбасары Р. Әлкенев орынд. Ә.Б. Құлманов тел.:7172(31-75-81)
  • Сұрақ №: 51454
    Дата: 29.03.2020 10:47:04
    Аты-жөні: Қожамберді Думан
    Сұрақ:
    Құрметті Қайрат Төлегенұлы, мен Қожамберді Думан Мақсүтұлы жсн 870205300590, маған 2019 жылдың 8 наурызында әкімшілік айыппұл салынған болатын. Мен салынған әкімшілік айыппұлды белгіленген мерзімінен кешіктірмей 2019 жылдың 13 наурызында қазпочта бөлімшесінен төледім, қолымда куәландыратын түбіртек бар. Аталған айыппұлдың төленген күнінен бері бір жылдан аса уақыт өтті. Осыған қарамастан егов порталындағы жеке кабинетімде және қамқор гов сайтында айыппұл төленбеген деген мәлімет тұр. Бұл мәселе бойынша енді не істеймін, бұл кімнің кемшілігі? Мен өз тарапымнан барлығын мерзімінде орындадым. Біреулердің айтуынша түбіртекті апару керек дейді, апару керек болса қайда апаруым керек? Бұл қаншалықты заңды не себепті мен өзімнің төлегенімді қосымша дәлелдеуім керек, қазір цифрланған заман емес пе? Сонда мен әлі күнге қарыз сияқты болып тұрмын. Осы мәселені шешіп беруіңізді өтініп сұраймын! Алдын ала рахмет!
    Жауап күні:
    14 апреля, 2020 - 14:38
    Жауап:
    Д.М. Қожамбердіге Құрметті Думан Мақсүтұлы ! Сіздің, 07.04.2020 жылғы Қазақстан Республикасы Бас прокуратурасының Құқықтық статистика және арнайы есепке алу жөнiндегi комитетiнен келіп түскен шығыс № 2-20-20-02855 өтінішіңіз қаралды. Сізге қатысты 08.03.2019 жылы Жамбыл облысы Полиция департаменті Меркі ауданының Полиция бөлімімен салынған 6312.5 теңге көлеміндегі әкімшілік айыппұлдың төленгені туралы мәлімет орталықтандырылған деректер қорына енгізілді. Сонымен қатар, Қазақстан Республикасы Бас прокурорының 2014 жылғы 10 қазандағы № 114 бұйрығымен бекітілген «Әкімшілік құқық бұзушылықтар және оларды жасаған адамдар туралы орталықтандырылған деректер есебін жүргізу жөніндегі нұсқаулықтың 66 тармағына сәйкес, әкімшілік жауаптылыққа тартылған адамдар туралы мәліметтер Қазақстан Республикасының әкімшілік құқық бұзушылық Кодексінің 61 бабына сәйкес әкімшілік жаза тағу туралы қаулының орындалуы аяқталғаннан кейін 1 жыл бойы сақталатынын хабарлаймыз. Осы қабылданған шешіммен келіспеген жағдайда, жоғары тұрған органға немесе сотқа шағымдануыңызға құқығыңыз бар. Басқарма бастығы С.С. Жорабеков Орын: Е. Дауитов Тел:542442
  • Сұрақ №: 51413
    Дата: 20.03.2020 13:22:41
    Аты-жөні: Сермагамбетов Уалихан
    Сұрақ:
    Құрметті Төраға! Осы хатым арқылы Сізден; Розыск преступников, должников, без вести пропавших лиц Комитетом по правовой статистике и специальным учетам ГП РК . Статус субъекта: Субъект найден в списке преступников, должников, без вести пропавших лиц Вид розыска: Розыск должников/ответчиков по исполнительным документам Фамилия Имя Отчество Дата рождения субъекта СЕРМАГАМБЕТОВ УАЛИХАН АУЕЛБЕКОВИЧ 12.11.1979 Документ Документ: УДОСТОВЕРЕНИЕ ГРАЖДАНИНА РК Номер: 031508164 Дата выдачи: 03.05.2011 Орган, ведущий розыск Телефон органа ведущего розыск Телефон судебного – пристава ОВД Таласского района ДВД Жамбылской области 6-08-28 6-24-59. Осы ақпаратты менім кредиттик контролируй свою кредитную историю 24/7 недель мәмлет беретін ақпаратымнан шығып тұруына байланысты деректерімнен Сіз басқарып отырған ақпараттық талдау басқармасынын алынып тастауын сұраймын. Конституциялық құқықымның аясында іздеу жариялап ол адамды табылган соң ақпарат менім өмір сүру құқықыма нұқсан келмеу мақсатында деректерінізге талдау жасап ақпаратты жаңартып өзгертулер енгізуне ықпал етуіңізді сұраймын. Құрметпен ҚР азаматы! Сермагамбетов У.А. 20.03.2020 жыл
    Жауап күні:
    3 апреля, 2020 - 09:40
    Жауап:
    У.А. Сермағамбетовқа Құрметті Уәлихан Әуелбекұлы! Қазақстан Республикасы Бас прокуратурасының Құқықтық статистика және арнайы есепке алу жөніндегі комитеті (бұдан әрі – Комитет) өз құзыреті шеңберінде «Комитеттің ақпараттық сервисі» порталынан іздестіру туралы мәліметтерді жою мәселесі бойынша Сіздің өтінішіңізді қарап, келесіні хабарлайды. Комитеттің мәліметтеріне сәйкес ағымдағы жылдың 27 наурыз жағдайы бойынша Сіз іздеуде есептелмейсіз, «Комитеттің ақпараттық сервисі» порталының «Қылмыскерлерді, борышкерлерді, хабар-ошарсыз жоғалған тұлғаларды іздестіру» бөлімінде Сізді іздеу туралы ақпарат жоқ. Осы жауаппен келіспеген жағдайда, Сіз «Жеке және заңды тұлғалардың өтініштерін қарау тәртібі туралы» Қазақстан Республикасы Заңының 12-бабына сәйкес жоғары тұрған лауазымды тұлғаға немесе сотқа шағымдануға құқылысыз. Төрағаның орынбасары Р. Әлкенев орын. Смаилов Ж. тел: 31-77-14
  • Сұрақ №: 51403
    Дата: 18.03.2020 22:45:23
    Аты-жөні: курбанов абсемет
    Сұрақ:
    ЖШС-не күзетші қызметіне алынатын үміткерлер (олар әртүрлі облыстардың турғындары болса)арнайы есеп арқылы тексерулер (жуапкерлікке тартылған(тартылмағандығы) қалай жүргізілетіні туралы мәлімет берсеңіз.
    Жауап күні:
    3 апреля, 2020 - 09:35
    Жауап:
    А.А. Курбановқа Құрметті Абсемет Абдиевич! Қазақстан Республикасы Бас прокуратурасының Құқықтық статистика және арнайы есепке алу жөніндегі комитеті (бұдан әрі – Комитет) Сіздің күзет агенттігіне жұмысқа тұратын тұлғаларға қатысты тексеру шараларын жүзеге асыру тәртібін түсіндіруге қатысты өтінішіңізді қарады. Комитет және оның аумақтық органдарымен Қазақстан Республикасы Бас Прокурорының 2018 жылғы 27 ақпандағы №29 бұйрығымен бекітілген «Қылмыстық құқық бұзушылықтар жасаған, қылмыстық жауаптылыққа тартылатын адамдардың, қылмыстық құқық бұзушылық жасағаны үшін қылмыстық жауаптылыққа тартылған адамдардың арнайы есебін, ұстап алынған, күзетпен ұсталатын және сотталған адамдардың дактилоскопиялық арнайы есебін жүргізу және пайдалану қағидасының» талаптарына сәйкес (бұдан әрі – Қағида) жеке тұлғаларға қатысты тексеру іс-шараларын іске асыруға уәкілетті мемлекеттік органдардың, мекемелер мен басқа ұйымдардың сұраулары бойынша ақпараттық-анықтама қызметі жүзеге асырылады. №29 Қағиданың 79-тармағына сәйкес тексеру іс-шараларын іске асыруға уәкілетті мемлекеттік органдардың, мекемелер мен басқа ұйымдардың сұраулары бойынша соттылықтың өтелгеніне және алынғанына қарамастан, адамдарға қатысты құқық бұзушылық туралы барлық мәліметтер ұсынылады. Сонымен қатар, 2014 жылғы 28 қарашадағы Қазақстан Республикасы Үкіметінің №1249 «Күзет қызметін жүзеге асыру жөніндегі лицензиарды белгілеу туралы» қаулысының талаптарына сәйкес, күзет қызметін жүзеге асыру бойынша лицензиар болып Қазақстан Республикасы Ішкі істер министрлігінің аумақтық органдары белгіленген. Осылайша, кешенді тексеру жүргізу шаралары полиция органдарымен Комитеттің ақпараттық сервисі арқылы жүзеге асырылады. Бұдан әрі құқықтық статистика және арнайы есепке алу органдарымен ұсынылған мәліметтер сұрау салған бастамашымен қолданыстағы заңнамаға сәйкес пайдалануға жатады. Біздің берген жауаппен келіспеген жағдайда, Сіздің «Жеке және заңды тұлғалардың өтініштерін қарау тәртібі туралы» Қазақстан Республикасының 2 Заңының 12-бабына сәйкес, жоғары тұрған лауазымды тұлғаға немесе сотқа жүгінуге құқығыныз бар. Төрағаның орынбасары Р. Әлкенев Орынд. Д. Ажибаева тел. 31-49-40
  • Сұрақ №: 51381
    Дата: 15.03.2020 03:21:43
    Аты-жөні: Қожамберді Думан
    Сұрақ:
    Мен Қожамберді Думан Мақсүтұлы жсн 870205300590, маған 2019 жылдың 7 наурызында әкімшілік айыппұл салынған болатын. Мен салынған әкімшілік айыппұлды белгіленген мерзімінен кешіктірмей 2019 жылдың 13 наурызында қазпочта бөлімшесі арқылы төледім, қолымда куәландыратын түбіртек бар. Аталған айыппұлдың төленген күнінен бері бір жылдан аса уақыт өтті. Осыған орай арнайы есепке алу деректер қорындағы мәліметке өзгеріс енгізіп, менің атымдағы әкімшілік айыппұл алғандығым туралы деректің алынып тасталуын сұраймын. Алдын ала рахмет!
    Жауап күні:
    3 апреля, 2020 - 09:27
    Жауап:
    Д.М. Қожамбердіге Меркі ауданы, Жамбыл облысы Құрметті Думан Мақсүтұлы! Қазақстан Республикасы Бас прокуратурасының Құқықтық статистика және арнайы есепке алу жөніндегі комитетінің Жамбыл облысы бойынша басқармасымен (бұдан әрі – Басқарма) Сіздің 19.03.2020 жылғы №1-207-20-04081 өтінішіңіз қаралды. Қазақстан Республикасы Бас прокурорының 2014 жылғы 10 қазандағы № 114 бұйрығымен бекітілген «Әкімшілік құқық бұзушылықтар және оларды жасаған адамдар туралы орталықтандырылған деректер есебін жүргізу жөніндегі нұсқаулықтың 66 тармағына сәйкес, әкімшілік жауаптылыққа тартылған адамдар туралы мәліметтер Қазақстан Республикасының әкімшілік құқық бұзушылық Кодексінің 61 бабына сәйкес әкімшілік жаза тағу туралы қаулының орындалуы аяқталғаннан кейін 1 жыл бойы сақталады. «ҚР құқық қорғау, арнаулы мемлекеттік және өзге де органдардың ақпарат алмасу жүйесінің» мәліметтеріне сәйкес Сізге қатысты 18.03.2019 жылы Меркі ауданының полиция бөлімімен салынған 6312,5 теңге көлеміндегі әкімшілік айыппұлдың төленгені туралы мәлімет жоқ. Яғни, Сізге салынған 6312,5 теңге көлеміндегі әкімшілік айыппұлдың төленгені туралы мәліметті орталықтандырылған деректер қорына енгізуге негіз жоқ екендігі және орталықтандырылған деректер қорына айыппұлдың төленгені туралы мәліметті енгізу үшін түбіртек көшірмесін жолдауыныз қажет екендігі хабарланады. Осы қабылданған шешіммен келіспеген жағдайда, жоғары тұрған органға немесе сотқа шағымдануыңызға құқығыңыз бар. Басқарма бастығы С.С. Жорабеков Орын:А.Алимжанов Тел:542554

Беттер