Сұрақ-жауап

  • Сұрақ №: 48527
    Дата: 19.03.2019 11:52:49
    Аты-жөні: Смайылова Дана
    Сұрақ:
    Саламатсыздар ма? Маған 27.07.2018жылы № 185114033105519 санды әкімшілік хаттамамен айыппұл сомасы 7215,0 теңге толтырылды. Алайда, 7 күн ішінде төленсе, көрсетілген айыппұлдың 50 пайызы яғни 3607,5 теңгені 01.08.2018 жылы төледім. Сонымен қатар, барлық іс шаралар жүргізілді (ІІД ОҚО бойынша прцессингтік орталығына және жеке сот орындаушысына төлемді растайтын чек тапсырылған). Қазіргі таңда, тиісті органдардың деректер базасында тексеру барысында көрсетілген айыппұл жойылмаған. Жоғарыдағылар негізінде Сізден аталған кемшіліктерді жоюға ықпал етуіңізді сұраймын.
    Жауап күні:
    4 сәуiр, 2019 - 08:52
    Жауап:
    Д.М. Смайыловаға Құрметті Дана Мейірханқызы! Қазақстан Республикасы Бас прокуратурасының Құқықтық статистика және арнайы есепке алу жөніндегі комитеті Сіздің әкімшілік құқық бұзушылық есептен шығару жөніндегі өтінішіңізді қарады. 27.07.2018ж. Шымкент қ. ІІД Қазақстан Республикасы Әкімшілік құқық бұзушылық туралы кодексінің (бұдан әрі -Кодекс) 608-бабының 1-бөлігімен №185114033105519 әкімшілік іс бойынша 3 607,5 теңге мөлшерінде салынған айыппұлдың 01.08.2018ж. төленгендігі туралы мәлімет Комитеттің әкімшілік құқық бұзушылықтар туралы орталықтандырылған деректер есебіне енгізілді. Кодекстің 61-бабына сәйкес, әкiмшiлiк құқық бұзушылығы үшiн әкiмшiлiк жаза қолданылған тұлға әкiмшiлiк жазаны орындау аяқталған күннен бастап бiр жыл ішінде осы жазаға тартылды деп есептеледi. Сізге, қатысты әкімшілік жауапкершілікке тартылғаныңыз туралы мәлімет Комитет есебінен шығарылды. Осы берілген жауаппен келіспеген жағдайда, Сіз жоғары тұрған лауазымды тұлғаға немесе сотқа шағымдануға құқылысыз (Қазақстан Республикасының 2007 жылғы 12 қаңтардағы «Жеке және заңды тұлғалардың өтiнiштерiн қарау тәртiбi туралы»Заңының 12-бабы). Төраға орынбасары Б.Тазабеков орынд. Ж. Нұрсейітова тел. 31-79-77
  • Сұрақ №: 48341
    Дата: 24.02.2019 11:04:50
    Аты-жөні: Байұзақов Қанат
    Сұрақ:
    Ассалаумағалейкум! Менің қояр сұрағым, темекі бағасының уақыт сайын көтерілуі өзге елден келетін контрабандалық арзан темекілердің үлесін арттырады деп естимін. Осыған орай елімізде соңғы жылдары қанша көлемде темекі контрабандасы тәркіленеді?
    Жауап күні:
    27 ақпан, 2019 - 16:50
    Жауап:
    ҚР БП Құқықтық статистика және арнайы есепке алу жөніндегі Комитеті Сіздің 25.02.2019 жылғы ҚР Бас прокурордың блогына келіп түскен, соңғы жылдарда қанша және қандай көлемде контробандалық темекі заттарының тәркіленгені туралы статистикалық мәліметтерді ұсыну туралы өтінішіңізді қарады. Комитеттің деректер базасының мәліметтеріне сәйкес қылмыстық қудалау органдары соңғы жылдарда ҚР ҚК-нің 324 бабымен «экономикалық контробанда» фактілері бойынша 627 қылмыстық құқық бұзушылықтар тіркеген (2015ж. - 254, 2016ж. - 142, 2017ж. - 124, 2018ж. - 107). Сонымен қатар, Комитет экономикалық контробанда болып табылған заттарды есепке алу жүргізбейді. Осыған байланысты, темекі заттарының контробандалық фактілері туралы мәліметтер жоқ екенін хабарлаймыз.
  • Сұрақ №: 48331
    Дата: 22.02.2019 00:07:11
    Аты-жөні: Тасболатов Бахытбек
    Сұрақ:
    Ассалаумағалейкум E gov порталы жеке кабинетте жол ережеін бұзғандағым үшін айыппұл төлеуім керегі жазылған. Менің тарапымнан бұзылған ереже қандай жағдайда? қашан? қай жерде? қандай көлікте орын алғаны жөніндегі құжатпен қалай танысуыма болады? Құқық бұзушылықты айқындаған орган: УВД г.Шымкента Материалдың нөмірі: 185100033593780 менің ЖСН 790705302765 Алдын ала улкен рахмет!!!
    Жауап күні:
    15 наурыз, 2019 - 19:06
    Жауап:
    ответ на запрос
  • Сұрақ №: 48113
    Дата: 04.02.2019 00:46:40
    Аты-жөні: Меңлібай Ұланбек
    Сұрақ:
    Құрметті Жақыпбаев Қайрат Төлегенұлы осы сайтта Аумақтық прокуратура сайттарының ішінен, Түркістан облысы бойынша құқықтық статистика және арнайы есепке алу жөніндегі басқармасы орналастырылмаған екен. Орналасуына ықпал жасауыңызды өтінемін.
    Жауап күні:
    8 ақпан, 2019 - 19:44
    Жауап:
    Ұ.Б.Меңлібай Қазақстан Республикасы Бас прокуратурасының Құқықтық статистика және арнайы есепке алу жөніндегі комитеті (бұдан әрі – Комитет) Қазақстан Республикасы Бас прокуратурасының сайтында (http://pravstat.prokuror.gov.kz) Комитеттің Түркістан облысы бойынша басқармасының атауының жоқтығына байланысты өтініш хатыңызды қарап, келесіні хабарлайды. Аталған сайттың «Прокуратура органдары» қосымша парағының «Қазақстан Республикасы Бас прокуратурасының Құқықтық статистика және арнайы есепке алу жөніндегі комитеті» атты бөліміндегі аумақтық прокуратурасының анықтамасына Комитеттің Түркістан облысы бойынша басқармасының атауы енгізілген. Өтініш хат жолдап, Комитеттің сайтына кіргеніңіз үшін рахмет айтамыз. Берілген жауаппен келіспеген жағдайда «Жеке және заңды тұлғалардың өтiнiштерiн қарау тәртiбi туралы» Қазақстан Республикасы Заңының 12-бабына сәйкес сіз жоғары тұрған тұлғаға немесе сотқа шағым жасай аласыз. Төрағаның орынбасары Б. Бекбауов орынд. Д.С. Нұрымова,тел.31-74-79
  • Сұрақ №: 47530
    Дата: 06.12.2018 16:18:33
    Аты-жөні: Жасузаков Нурсултан
    Сұрақ:
    Құрметті! Қайрат Төлегенұлы. Мен Жасузаков Нурсултан Ергалиұлы. Алматы қаласы Бостандық ауданының №2 сотының 11 маусым 2013жылғы қаулысымен Қ,Р, Қылмыстық кодексінің 327-бабының 2-бөлігімен кінәлі деп танылып, 67-бабының 1-бөлігі негізінде жәбірленушімен татуласуыма байланысты қылмыстық жауаптылықтан босатылып, маған қатысыты қозғалған қылмыстық іс өндірісімен қысқартылған болатын. Қазіргі уақытта мен мемлекеттік қызметке орналасуыма байланысты Қ,Р Алматы қаласы бойынша құқықтық статистика және арнайы есепке алу жөніндегі басқармасынан алған соттылық туралы анықтамасына сай, менің соттылығым жойылмаған. Осыған байланысты мемлекеттік жұмысқа орналаса алмай жүрмін Жоғарыды аталғандардың негізінде, Сізден Қ,Р Қылмыстық-процестік кодексінің 479-бабының талаптарына сай Алматы қаласы Бостандық ауданының №2сотының 11 маусым 2013 жылғы қаулысына сай менің соттылығымды алып тастауыңызды сұраймын.
    Жауап күні:
    11 желтоқсан, 2018 - 16:55
    Жауап:
    Н.Е. Жасузаковқа Құрметті Нурсултан Ергалиұлы! Қазақстан Республикасы Бас Прокуратурасының Құқықтық статистика және арнайы есепке алу жөніндегі комитетімен (бұдан әрі – Комитет) Сіздің соттылықты есептен алу туралы өтінішіңіз қаралды. Қазақстан Республикасы Қылмыстық Кодексінің 79 бабы 2 тармақшасы талаптарына сәйкес, Сіз соттылығы жоқ тұлға болып таныласыз. Қазақстан Республикасы Бас Прокурорының 27.02.2018 жылғы №29 бұйрығымен бекітілген Қағидаларының (бұдан әрі - Қағида) 69 тармағы талаптарына сәйкес, сот шешімімен ақталған, сонымен бірге ақтайтын негіздер болмаса маңыздылығы шамалы болғандықтан қысқартылған қылмыстық істерден басқа, тұлғаға қатысты ақпараттар Комитеттің базасында үнемі сақталады. Сонымен қатар, Қағиданың 79 тармағы талаптарына сәйкес, тұлғаларға қатысты тексеру шараларын жүргізуге уәкілетті мемлекеттік органдардың, мекемелердің сұраулары бойынша соттылықтың жойылғанына және алынып тасталғанына қарамастан, тұлғаның жасаған қылмыстық құқық бұзушылығы туралы барлық мәліметтер беріледі. Одан әрі құқықтық статистика және арнайы есепке алу органдарымен берілген мәліметтерді тексеруге сұрау жіберген органдар немесе мекемелер қолданыстағы заңнамаларға сәйкес дұрыс пайдалануға тиісті. Нормативтік құқықтық актілері талаптарына сәйкес, Комитеттің қылмыстық құқық бұзушылық жасаған тұлғалар бойынша ақпараттар қылмыстық қудалау органдарының және сот органдарымен ұсынылған мәліметтеріне сәйкес қалыптастырылады. Осыған байланысты, Сізге процессуалдық шешімдегі ақпараттарға түзетулер жасау сұрағы бойынша Сізге жазбаша түрде тиісті сотқа жүгіну қажет. Егер жаңадан қабылданған процессуалдық шешім ақталатын негізде болған жағдайда мәліметтер Комитеттің есебінен алынады. Осы жауаппен келіспеген жағдайда, «Жеке және заңды тұлғалардың өтiнiштерiн қарау тәртiбi туралы» Қазақстан Республикасы Заңының 12 бабына сәйкес, Сіз оны жоғары тұрған лауазымды тұлғаға немесе сотқа шағымдануға құқығыңыз бар. Төрағаның орынбасары Р. Әлкенев

Беттер